МАҢЫЗДЫ! Төлем құралдарыңызды қорғаңыз – заңсыз әрекеттерге араласпаңыз!

Құрметті клиенттер!
2025 жылғы 16 шілдеден бастап Қазақстан Республикасының «Төлемдер және төлем жүйелері туралы» Заңына банктік есепшоттар мен электрондық төлем құралдарын пайдалана отырып жасалатын алаяқтыққа қарсы бағытталған өзгерістер енгізілді. Бұл өзгерістер жарияланған күннен бастап 60 күнтізбелік күн өткен соң күшіне енеді және «дроппер» схемаларына қатысқан адамдарға қылмыстық жауапкершілік қарастырады.

Дроппер деген кім?

Дроппер – бұл өз банктік шотының, төлем картасының, телефонының, қосымшасының немесе басқа төлем құралдарының қолжетімділігін үшінші тұлғаларға,соның ішінде сыйақыға беретін адам.

Әдетте, осындай әрекеттерді қаскөйлер алаяқтық жолмен алынған ақшаны (мысалы, фишинг құрбандарынан, қаржылық пирамидалардан және т.б.) шығару үшін пайдаланады. Заңсыз екенін білмеген болсаңыз да, сіз серіктес болып саналып, жауапкершілікке тартылуыңыз мүмкін.

Енді не тыйым салынған?

Төлемдер туралы Заңның 25 бабының 14 тармағына сәйкес:

• Өз төлем құралдарыңызға қолжетімділікті үшінші тұлғаларға беруге болмайды (жақын туыстардан басқа немесе заң шеңберінде ғана);
• Заңда көзделмеген жағдайда, басқа адамның шотынан немесе картасынан аударымдар мен төлемдер жасауға болмайды;
• Басқа адамдар атынан ақша немесе басқа пайда үшін төлем жасауға болмайды.

ҚР Қылмыстық Кодексі бойынша жауапкершілік

Аталған нормаларды бұзғаны үшін ҚР ҚК 232-1-бабы бойынша қылмыстық жауаптылық көзделген:

• 160 АЕК дейін айыппұл немесе
• түзету жұмыстары немесе
• мүлкі тәркіленіп, 50 тәулікке дейін қамауға алу.

Неғұрлым ауыр бұзушылықтар үшін екі жылға дейін немесе одан да көп мерзімге бас бостандығынан айыруға болады.

Өзіңізді қалай қорғауға болады?

• Өз карталарыңызды, шоттарыңызды, мобильді қосымшалар немесе интернет-банкингке қолжетімділікті ешқашан басқа адамдарға бермеңіз.
• «Жылдам табыс табу», «ақшаны аудар — пайданы ал» сияқты ұсыныстарға ешқашан келісім бермеңіз.
• Кез келген қаржылық операциялардың заңдылығын тексеріңіз, әсіресе белгісіз адамдар қатысса.

Егер күмәніңіз туындаса – біздің қолдау қызметіне хабарласыңыз.